Coplant volve satisfeita de Nantes 2017
28 junio, 2017
Plan Estratéxico e Operativo do Sector do Viveirismo, unha ferramenta na que acuBam colaborou activamente
10 julio, 2017
Cultivos Miñotos lidera un proxecto de innovación para a Xestión Sustentable de Recursos Naturais baseándose no cultivo de maceiras e aguacates en Galicia.
A Consellería do Medio Rural acaba de conceder a Cultivos Miñotos as axudas para a creación e funcionamento da primeira fase do proxecto, a creación do Grupo operativo, en cofinanciación co Fondo Europeo Agrícola de Desenvolvemento Rural (Feader).
O obxectivo é a implantación, desenvolvemento, aumento produtivo e comercialización estable de mazás de variedades autóctonas para produción de sidra 100% orixe galega e aguacates para consumo en fresco mediante técnicas innovadoras dentro dunha contorna rural actualmente infrautilizado, mantendo en todo momento o respecto ambiental e o equilibrio no medio rural.
Cultivos Miñoto lidera este proxecto de innovación xunto con grandes referentes en materia de innovación agrícola en España e Galicia, o Grupo Eco3g Consultores, o Departamento de Enxeñería Agroforestal da Universidade de Santiago de Compostela e o Centro Tecnolóxico Da Carne.
O Grupo Operativo busca a recuperación do ámbito rural galego mediante a introdución de cultivos sustentables en dous produtos singulares como o aguacate e a mazá que poidan xerar un valor diferencial e contribúan a consolidar O Baixo Miño como motor verde en Galicia.
Cultivos Miñotos é unha sociedade agraria de transformación situada en Tomiño e que hoxe en día ten cultivadas unhas 6.000 plantas de maceira para sidra repartidas en 7,3 Hª de superficie; 700 plantas de aguacate en 2,0 Hª.
Coa formación do Grupo Operativo Cultivos Miñotos espera desenvolver un proxecto que permita:
- Xerar produtos propios singulares en base ao aguacate e a mazá economicamente e cualitativamente competitivos no mercado global.
- Buscar proxectos de I+D singulares ao redor de ambos os produtos.
- Dotar á contorna galega rural de ferramentas para o desenvolvemento autónomo e económico na máxima sustentabilidade.
- Apoiar o desenvolvemento dos proxectos de I+D en programas Europeos e Nacionais que lle proporcionen non só financiamento senón acceso a redes de coñecemento globais.
- Potenciar a transferencia tecnolóxica desde as Universidades e axentes de Innovación á contorna rural galego.
- Experimentar con variedades minoritarias para o desenvolvemento de produtos singulares.
- Avaliar posibles subprodutos xurdidos do núcleo común de coñecemento
Sen dúbida, boas noticias para este socio de acuBam e O Baixo Miño.
