“Xardín privado en Bergondo” e “Recuparación dun patio interior con estilo oriental para os escolares de Maside”, proxectos gañadores da II Edición de Premios Xardín Galego 2020
24 diciembre, 2020
Juan Peixoto, director de Viveiros Juan Peixoto, S.L., homenaxeado na feira Iberflora 2021
27 octubre, 2021
acuBam acaba de organizar a primeira xornada presencial de socios e socios colaboradores tras o inicio da pandemia.
Xa que novamente se permiten as reunións presenciais e aperturas ao público en case todos os sectores, ¡desde acuBam tamén queriamos reunirnos en persoa! Durante estes meses organizamos xornadas telemáticas, pero sentimos que xa era necesaria unha reunión en persoa para interactuar entre todos.
Para esta primeira xornada presencial contamos coa colaboración de Gonzalo Barrio de FEUGA e Juan Carlos Vez, consultor experto na xestión de persoas.
Gonzalo Barrio de FEUGA presentounos as oportunidades de financiamento para o sector agrario e as oportunidades de colaboración con FEUGA, tanto para encaixar os obxectivos de empregabilidade, transferencia de tecnoloxía e I+D, como internacionalización. Ademais, tamén amounos un exemplo concreto de proxecto no que colaboraron FEUGA e COPLANT para desenvolver un sistema de planificación e xestión de stocks futuros e a cadena de subministro.
Posteriormente, Juan Carlos Vez, falounos dos mellores mecanismos para mellorar na xestión de persoas e da importancia do coidado das persoas, a formación e o acompañamento laboral para conseguir unha mellor produtividade, implicación e fortalecemento da empresa e o sector de forma xeral.
Esta xornada presencial celebrouse na sala de plenos do Concello de Tomiño, ao que agradecemos enormemente a oportunidade e colaboración. Posteriormente, reunímonos tanto socios como socios colaboradores no mercado para tomar un viño e pincho todos xuntos e aproveitar para reflexionar o tratado previamente e reforzar lazos de colaboración entre todos.
