Confederación Hidrográfica Miño-Sil realizou unha Xornada informativa no Baixo Miño
25 junio, 2015Falamos con Viveiros Pousa
1 julio, 2015O convenio, que se enmarca no compromiso que CaixaBank mantén co Baixo Miño, facilitará crédito en condicións preferentes
Acubam e CaixaBank asinaron un acordo para facilitar crédito e outros servizos financeiros.
A carteira de produtos e servizos que CaixaBank poñerá á súa disposición inclúe fórmulas específicas de crédito en condicións preferentes para atender as necesidades de mellora e ampliación de instalacións agrícolas, anticipos para os gastos de campaña e servizos de protección para cubrir os riscos que poden afectar ao volume e calidade dos cultivos.
Tras a firma do convenio, a cargo do director de área de negocio de CaixaBank en Pontevedra Sur, Gonzalo Talegón, José Maximino Cosmed e Manuel Bacelo, presidente e tesoureiro respectivamente de Acubam, os membros desta asociación poderán dirixirse á oficina en Tomiño para solicitar os produtos e servizos que contempla a oferta. Os xestores especializados de CaixaBank contan cunha acreditada experiencia en operacións e recursos para o sector primario, ao traballar cun importante número de empresas e de autónomos pertencentes a este colectivo profesional.
Con esta iniciativa, a entidade reforza o seu compromiso de atender as necesidades específicas de financiamento que presentan os produtores do campo galego.
AgroBank
CaixaBank reafirmou a súa aposta polo sector agrario coa posta en marcha de AgroBank, unha nova liña de negocio creada para reforzar o crecemento neste segmento e incrementar a vinculación dos seus clientes deste sector. En Galicia, AgroBank conta con 14 oficinas que se sitúan nos núcleos de poboación cuxa actividade xira en torno a este sector económico. Estas oficinas ofrecen atención personalizada e unha ampla oferta de produtos e servizos financeiros para agricultura e gandaría aos máis de 5.000 clientes cos que contan.