Os viveristas da comarca voltan de Estambul con unha carteira de 90 clientes
9 diciembre, 2013Socios de acuBam mostean o seu lado más solidario colaborando con Banta
23 diciembre, 2013Noticia vía Faro de Vigo – 23.11.2013
Aprobada por unanimidade no Parlamento a moción do PSOE para instar o Goberno a que adapte o imposto agrícola ao resto da UE.
O sector viveirista de flor e planta viva sente o avalado do Parlamento galego nuns momentos difíciles, nos que debe soportar medidas que lles impuxeron e que prexudicaron notablemente, como é o incremento do 8% ao 21% no tipo impositivo de IVE, que entrou en vigor en setembro de 2012, sen ter en conta a natureza agraria do sector.
Emilio Estévez Martínez, enxeñeiro director xerente da única empresa comercializadora de planta viva do Baixo Miño, Coplant, considera que “todo aquel que se pronuncie ao noso favor, inflúe e nos axuda”. Así dio en referencia á aprobación unánime da proposición non de Lei presentada polo grupo socialista, a través da deputada Carmen Gallego, pola que se acorda instar ao Goberno de España a modificación do tipo impositivo do IVE para o sector da flor e planta viva, que está vixente dende setembro de 2012, e a súa asimilación ao tipo reducido empregado para agricultura. A proposta foi aprobada por unanimidade de todos os grupos políticos.
“É un tema sensible porque a planta non é produto de necesidade pero si é agrario, e mesmo temos plantas que dan froitos comestibles”, precisa Emilio Estévez, facendo fincapé dos prexuízos que causa a alta porcentaxe de IVE “porque ademais, en crise, a xente se retrae á hora de comprar planta ou flor”.
Fai referencia o xerente de Coplant a que somos un sector exportador, o que equivale a que o Estado nos paga o IVE repercutido, pero os atrasos van en aumento”.
En consecuencia, o incremento de hai un ano foi “brutal” para o cliente comprador de planta, coa conseguinte suba de prezos.
Pola súa banda, o sector xa realizou xestións ante o Ministerio o pasado mes de outubro, a través da Federación Española de Asociacións de Produtores Exportadores de Froitas, Hortalizas, Flores e Plantas Vivas (FEPEX), que é unha organización sectorial, de carácter privado e sen ánimo de lucro.
Descenso de consumo
Na súa moción, a deputada Carmen Gallego citaba a “grave situación económica que está a pasar o sector” especialmente no Baixo Miño, onde se está a poñer en risco a continuidade das explotacións.
Indica que no caso desta bisbarra, a estes problemas se engade a localización xeográfica das explotacións preto de Portugal, que aplican un 13% de IVE, o que somete os produtores a unha situación de desvantaxe respecto ás explotacións da outra beira do Miño. Sinala que o IVE de Italia para este produto é do 10%, o de Alemaña é do 7%, Holanda ten o 6% de IVE.
A flor no Baixo Miño supón 500 empregos directos, o 70% femininos, e 200 indirectos. Ten 600 hectáreas cultivadas e a facturación anual supera os 50 millóns de euros.