Xornada ‘A importancia da comunicación dixital nas estratexias comerciais das empresas’, organizada por acuBam

No día a día das empresas, as páxinas web concíbense como ferramenta moi potente nas accións de comercialización, grazas á cal se traballa directamente a divulgación e comunicación. Desde ACUBAM, como asociación sectorial implicada en contribuír ao desenvolvemento, crecemento e mellora da competitividade das empresas ás que representa, ponse en marcha  en 2018,  un proceso de reestruturación e da súa propia páxina web, nun esforzo por mostrar ao exterior as fortalezas, capacidades e oportunidades do sector agro na comarca do Baixo Miño. Entendida esta web como unha plataforma comercial conxunta e individual de cada socio, esta acción encádrase na liña de reforzo de imaxe e posicionamento da asociación e os seus asociados.