acuBam estará presente na feira Empregalia os días 10 e 11 de Maio

acuBam estará presente na feira Empregalia que terá lugar na Estación Marítima de Vigo os vindeiros días 10 e 11 de Maio. Participaremos nunha das mesas expoñendo as diferentes oportunidades e emprego que ofrece o rural e de maneira específica o sector agro do Baixo Miño.

Tamén falaremos das características e necesidades formativas dos perfís demandados dende o sector, así como as aptitudes que se precisan para poder acceder a un posto de traballo no mesmo, e poder así desenvolver unha carreira profesional dentro do sector agrario do Baixo Miño.

Por último, realizaremos unha presentación da nosa bolsa de emprego, a través da cal seleccionaremos aos perfís mais demandados dende o sector en diferentes ámbitos: produtivo, de investigación, administrativo, etc.

Achégate ata Empregalia e coñece a acuBam e ao sector agrario do Baixo Miño, como unha fonte de emprego e desenvolvemento profesional no territorio.

Agardámosvos!!